Description
Dit maak nie saak of jy direk of indirek deur kanker geraak word nie, dit is ’n oorweldigende en ontstellende tydperk wat selfs die mees standvastige individu kan ontstel. Maar kanker is so beperk … dit kan nie hoop vernietig nie … dit kan nie geloof verniel nie … dit kan nie die ewige lewe steel nie …
Wat kanker nie kan doen nie is vol stories van moed vir enigiemand wat tans kanker moet hanteer. Dit kombineer teksverse uit die Nuwe Lewende Vertaling met inspirerende aanhalings en bemoedigende stories van beide mans en vroue wat kanker oorleef het. Hierdie boek is bedoel om te ondersteun, te inspireer en leiding te gee aan enigiemand wat pas gediagnoseer is, tans kankerbehandeling ontvang, weer aan die lewe begin bou ná kanker of net proaktief wil optree om kanker te voorkom.
Die bemoedigende stories van mense wat kanker oorleef het, sal dalk nie die liggaam genees nie, maar sal elke siel aanraak en verryk.
